Gianni Infantino, aktualisht i vetmi kandidat për postin e presidentit të FIFA-s, po ndërmerr një fushatë për të siguruar mbështetje më të gjerë për një rizgjedhje të mundshme, pavarësisht tensioneve që lindën rreth një projekti, më pas të hequr, për të shitur të drejtat e Botërorit te një fond investimesh. Sipas The Guardian, aktiviteti i kreut të qeverisjes botërore të futbollit përfshin edhe një ndërhyrje të planifikuar në Asamblenë e Përgjithshme të OKB-së në New York, një mundësi për t’u afruar me krerët e shteteve dhe, përmes tyre, për të fituar përkrahjen e federatave përkatëse.
Gazeta britanike shpjegon se nga ky moment e deri në zgjedhjet e caktuara për marsin e vitit të ardhshëm, Infantino synon të rindërtojë lidhje që janë prishur, duke shfrytëzuar mungesën e një kandidati alternativ. Në këtë kuadër, udhëtimet e tij të vazhdueshme në Amerikën e Jugut, Azi dhe Evropë interpretohen si përpjekje për të takuar drejtues federatash dhe për t’u ofruar shpesh mbështetje financiare dhe lehtësira të tjera, me qëllim rritjen e ndikimit të tyre dhe konsolidimin e mbështetjes për kandidaturën e tij.
Përplasjet e mëparshme rreth propozimeve për mënyrat e menaxhimit të të drejtave të Botërorit kanë krijuar nevojën që Infantino të angazhohet personalisht në rikthimin dhe forcimin e marrëdhënieve me federatat kombëtare, sipas raportimit. Së bashku me takimet ballë për ballë me udhëheqës federatash, plani i tij përfshin përdorimin e takimeve me krerët shtetërorë, ku ai presin të fitojë mbështetje politike që pasqyrohet më pas në votat e federatave.
The Guardian vëren gjithashtu se udhëtimet e tij janë lehtësuar nga disponueshmëria e avionëve të Qatar Airways, kompani që gjatë Botërorit i mundësoi Infantinos të ndjekë thuajse 104 ndeshje në turneun e Kanadasë, Meksikës dhe SHBA. Lajmi është përcjellë nga Top Channel.
