Nga Elton Qyno
Me urdhër apo pa urdhër nga lart, sot ndodhi një fatkeqësi e madhe në Shoqëri dhe për këdo individ që mer guximin dhe të flasë, përtej asaj që nuk duket apo që nuk raportohet zyrtarisht.
Foli deputeti i PD Salianji dhe bëri denoncim për një trafikant droge, i dënuar me vendim të formës së prerë në Itali, dhe ja ku shkoi, në kokër të burgut.
Plot 1 vit burgim për Salianjin pse foli për trafikantin e Drogës, Geron alias Agron Xhafaj.
1 vit burgim nuk i bëri as Durim Bami tek rasti i videos me Tom Doshin, i cili u akuzua për “Kallëzim te rremë”.
Dosjen “Babale” e njoh shumë mirë.
Jam gazetari i parë që kam raportuar dikur në “Shqiptarja.com” se kaseta audio ishte një aktrim dhe nuk ishte Geron Xhafaj, por Fredi Alizoti një mashtrues nga Fieri, shok i ngushtë i Albert Veliut.
Por denoncimet e Salianjit aman ishin të sakta për sa i përket dënimit të Geron Xhafaj në Itali, dënim të cilin ai nuk e kishte shlyer, por u detyrua të vetëdorëzohej në Itali për të vuajtur dënimin.
Keqardhje që gjykata sot pranoi të dënojë në këtë çështje dhe një gazetar, kolegun Jetmir Olldashi për akuzën e “Kallëzimit të rremë”.
Çfarë kallëzimi të remë kishte bërë Jetmiri dhe ku e kishte bërë? Pse kishte takuar Albert Veliun (Babalen) apo një mashtrues tjetër Fredi Alizotin, ky mund të quhet “Kallëzim i rremë”?
Me këtë standard dhe këtë frymë erdoganizmi që ka erdhur (Pse po flet…?), thjesht duhet të presim e të shohim, kush e ka rradhën brenda sektorit mediatik dhe politik.
Po jetojmë në epokën e eksitimit nga prangat, ndaj që mos ju vijë çudi kur SPAK apo policia t’ju trokasë tek dera.
Kush do qytetar sot që ka dy mend në kokë, jam i bindur se do ulet dhe meditojë, “…A ja vlen të flasë dhe denoncojë në vijim…?.
