Ish-Kryeministri Sali Berisha ka hedhur sot akuza kundër kryeministrit Edi Rama, pasi siç thotë ai po ndërhyn në zgjedhjet që po bëhen në Federatën Shqiptare të Futbollit.
Gjatë takimit që pati me demokratët në Patos, Berisha tha se Rama nuk po pret zgjedhjet e 2 Marsit por por përdor tritolin dhe SPAK-un kundër kreut aktual të FSHF.
“Tani duan të na servirin Edi Ramën, i cili është kreu i meduzës si një njeri që mund të mbështetesh tek ai. Ai është një armik i egër i qenies kombëtare të shqiptarëve. Në 8 vite ka shpërdoruar mbi 8.2 miliardë Euro.
Shikoni çfarë bën me një institucion që i ka mbetur jashtë kontrollit, nuk pret zgjedhjet e 2 Marsit në Federatën Shqiptare të Futbollit por përdor tritolin, SPAK-un, përdor të gjitha mjetet jolegjitime”, tha Berisha.
