Një 29-vjeçar shqiptar është dënuar me 20 vite burg nga gjykata e Assize Loire-Atlantique në Francë, pasi akuzohet për vrasjen e një të riu atje.
Sipas asaj që raportojnë mediet franceze, shqiptari dyshohet se ka qëlluar me armë gjahu në bark një 22-vjeçar më 11 tetor të vitit 2019, duke e lënë të vdekur në vend. I riu shqiptar një ditë pas ngjarjes së rëndë, ishte arratisur drejt Tiranës.
Në paraburgimin e policisë, ai pranoi se ishte autori i krimit ndërsa ka mohuar se kishte për qëllim të vriste të riun. Gjykata e shpalli fajtor për vrasje dhe tentativë vrasjeje të dy miqve të viktimës.
