Kryetari i Partisë Demokratike, Sali Berisha u shpreh sot se dënon mbrojtjen që një ditë më parë, Rama i bëri ish-agjentit të FBI-së Charles McGonigal.
Sipas Berishës, zyrtari i lartë është në burg për çështjen shqiptarë, ndaj tha se edhe Rama duhet të jetë në burg.
“Dënoj mbrojtjen që i bëri mbrëmë McGonigal. Pyetjes së gazetarit se çfarë donte ai që shtrohej me mish e pilaf në mejhanet e Tiranës, ai i përgjigjej se ajo është puna e tij në FBI.
Pra mishi dhe pilafi i mejhaneve të Tiranës privatisht duke zhvatur gjobat. Pra, kundërshtoi në mënyrën më absurde gjobëvënien e tij.
Të gjithë mediat e botës e thonë, ia tha edhe gazetari. Pra, për çfarë e përdori intervistën? Për të mbrojtur veten dhe McGonigal. që ka tradhtuar vendin e vet. Që ka përdorur agjencinë për qëllime private, që ka prerë gjoba.
Ndaj për të gjitha këto, komisioni është jetik. Ne do krijojmë komision dhe McGonigal është në burg, edhe Edi Rama do shkojë në burg. McGonigal është në burg për çështjen e Shqipërisë, për atë tjetrën e kanë nxjerrë në lirim.
Edi Rama nuk mund të rrijë. Ndaj u bëj thirrje qytetarëve të bashkohemi për t’u ndarë me këtë të keqe të madhe sa më shpejt” tha ai.
