Presidenti i SHBA-së, Donald Trump, njoftoi se ka ndjekur në kohë reale operacionin që çoi në kapjen e presidentit të Venezuelës, Nicolás Maduro, nga forcat amerikane, nga resorti Mar-a-Lago në Florida. Gjatë një interviste për Fox News, Trump sqaroi se operacioni u monitorua nga një dhomë e posaçme, pranë gjeneralëve të lartë amerikanë.
Ai njoftoi se ushtria i tha se nuk kishte asnjë vend tjetër në botë që mund të realizonte një operacion të tillë dhe se e kishte llokuar gjithçka në mënyrë të drejtpërdrejtë, duke e krahasuar me shikimin e një shfaqjeje televizive. Trump po ashtu theksoi shpejtësinë e operacionit, duke nënvizuar se forcat amerikane thyen dyer çeliku të sigurisë dhe arritën të vepronin brenda pak sekondash.
Presidenti amerikan theksoi gjithashtu gatishmërinë e SHBA për të përdorur një numër të madh mjetesh ajrore, përfshirë helikopterë dhe avionë luftarakë, për të mbështetur këtë operacion. Ai përfundoi duke e përshkruar atë si një operacion shumë kompleks, i cili u ndoq me kujdes nga autoritetet ushtarake.
