Kristjan Asllani ka treguar një performancë të mirë te Torino këtë sezon. Mesfushori shqiptar është i huazuar nga Interi, ku skuadra granata ka opsionin për të blerë kartonin e tij në fund të sezonit.
Asllani, lider i Kombëtares shqiptare, ka hyrë në fazën përfundimtare të huazimit të tij. Edhe pse ndodhemi në merkaton e janarit, diskutimet për të ardhmen e tij kanë rifilluar. Interi qëndron në vëzhgim të situatës së lojtarëve në huazim, dhe Asllani është ndër ata që ndiqen nga afër.
Sipas burimeve italiane, Interi po planifikon që të shesë Asllanin gjatë merkatos verore, nëse Torino nuk e aktivizon opsionin e blerjes. Në rast se kjo ndodh, Interi do të shqyrtojë mundësi të tjera për të shitur lojtarin në një destinacion të ri. E ardhmja e Asllanit mbetet e pasigurt, dhe do të varet nga zhvillimet deri në fund të qershorit.
