Një 25-vjeçare u gjet e pajetë mbrëmjen e kësaj të diele në Igumenicë të Greqisë. Sipas mediave greke, alarmi u dha nga një 27-vjeçar që telefonoi policinë duke pretenduar se ai dhe partnerja e tij ishin viktima të një sulmi; gjatë telefonatës njoftoi se 25-vjeçarja kishte ndërruar jetë. Policia mbërriti në vendngjarje dhe konstatoi se vajza ishte e pajetë. Të dhënat paraprake tregojnë se ajo kishte plagë në trup, të cilat dyshohet se mund të jenë shkaktuar nga një thikë.
27-vjeçari u gjet pak më larg vendngjarjes, në një zonë me bimësi të dendur. Ai i tha efektivëve se edhe ai ishte sulmuar dhe ishte goditur. Megjithatë, në kontrollin fillestar policor nuk u konstatuan plagë të jashtme apo shenja të dukshme që tregonin se ishte dhunuar fizikisht. I riu u transportua fillimisht për të marrë ndihmën mjekësore të nevojshme dhe më pas u shoqërua në komisariat për t’u marrë në pyetje në kuadër të hetimit mbi rrethanat e vdekjes së të resë.
Autoritetet po hetojnë dinamikën e ngjarjes, ndërsa rrethanat e plota të atë që ka ndodhur ende nuk janë bërë të ditura. Hetimi përfshin verifikimin e pretendimeve të 27-vjeçarit dhe analizimin e dëshmive në vendngjarje, ndërsa detaje shtesë nga ekzaminimet mjeko-ligjore ose provat materiale nuk janë publikuar. Për momentin, informacioni zyrtar mbetet i kufizuar dhe policia vijon punën për zbardhjen e shkaqeve dhe përgjegjësive lidhur me vdekjen e 25-vjeçares.