Kryeqyteti i Shqipërisë po rakohet lart ndër vendet më të shtrenjta të botës. Deri më tani, Tirana është kryeqyteti më i shtrenjtë në rajon. “Numbeo”, cili mat indeksin e kostove të jetesës sipas kryeqyteteve në botë, e përllogarit Tiranën me 44.9%, ndërsa majën e kap Nju Jorku me 100%.
Më e lirë në rajon është Prishtina 32.6%, ndjekur nga Shkupi në Maqedoninë e Veriut (36.7%) dhe Sarajeva në Bosnjë Hercegovinë (37.4%); ndërsa me Shqipërinë përafrohet Beogradi në Serbi (43.2%) dhe Podgorica në Mal të Zi (40.2%). Qytetet më të shtrenjtë në botë ndodhen në Zvicër, si Zyrihu, ku kosto e jetesës është sa 122% e mesatares së Nju Jorkut.
Por si llogaritet indeksi i kostos së jetesës?
Për të llogaritur vlerën e Indeksit të Çmimeve të çdo qyteti, Numbeo cakton një vlerë prej 100 për një qytet qendror referues (që ndodh të jetë Praga). Pasi të jetë vendosur pika e referencës, vlera e Indeksit të Çmimeve të çdo qyteti tjetër në bazën e të dhënave llogaritet duke krahasuar koston e tyre të jetesës me koston e jetesës në Pragë. Prandaj, nëse një qytet ka një indeks çmimesh prej 134, kjo do të thotë se të jetosh atje është 34% më e shtrenjtë se të jetosh në Pragë.
