Në emisionin “Goca dhe Gra”, Kaltrina Kondi, vajza e Dr. Florit, ndau një rrëfim emociona për babanë e saj të ndjerë, duke theksuar se mungesa e tij ndihet çdo ditë. Ajo shprehu se ngjan me të në disa tipare, dhe për të, babai kishte një dëshirë të madhe që ajo të kishte një të ardhme të mirë dhe të ishte e shkolluar. Kaltrina ndan momente të vështira, sidomos kur sheh të tjerë që diplomohen me prindërit e tyre pranë.
Pjesa tjetër e bisedës u përqendrua te loja e Mirit në Big Brother VIP. Ajo përshkroi Miri-n si banorin e vetëm që ka mbajtur një sjellje korrekt dhe të respektueshme, duke besuar se ai do të jetë fituesi i këtij edicioni. Kaltrina theksoi se banorët e tjerë kanë të mirat dhe të këqijat e tyre, por Miri është ai që e konsideron si lojtarin më të fortë pasi ka duruar shumë.
Sipas saj, marrëdhënia mes Mirit dhe Selin është një keqkuptim, duke e parë lojën thjesht si një sfidë. Ajo pranoi se edhe raportet e tij me Rogertin janë të mira, por për të, në fund, gjithçka është një lojë. Kaltrina tregoi se e ka inkurajuar Miri-n të futet në lojë dhe se është e lumtur për përfshirjen e tij. Ajo ndau mesazhe të ngrohta me të, duke shprehur krenarinë për të dhe duke e mbështetur përballë akuzave që ai ka përjetuar.
Kaltrina e përshkroi marrëdhënien e saj me babanë si një burim force, duke e ndier krenare edhe për mënyrën se si vajza e Mirit e përjeton situatën. Ajo përfundoi duke shprehur emocione të thella për babain e saj, duke theksuar se kujtimi i tij do të jetë gjithmonë një pjesë e saj.
