Mbrëmja e së enjtes kishte si fokus ndeshjet e playoffit të Botërorit, ndërsa disa skuadra të kualifikuara zhvilluan ndeshje miqësore për t’u përgatitur për kompeticionin më të rëndësishëm në futboll.
Spanjë – Serbi 3-0
Spanja triumfoi në Ceramica të Villarreal përballë Serbisë me rezultatin e pastër 3-0. Pjesa e parë ishte një dominim i plotë nga La Roja, e cila e mbylli atë me dy gola të Oyarzabal, në minutat 16 dhe 43. Në pjesën e dytë, skuadra e Luis De La Fuente shtoi edhe një gol tjetër, këtë herë nga Victor Munoz, duke e mbyllur takimin me një fitore të thellë.
Zvicër – Gjermani 3-4
Ndeshja mes Zvicrës dhe Gjermanisë u shndërrua në një spektakël futbolli, me Gjermaninë që arriti të fitojë 4-3. Zvicra e hapi rezultatin me golin e Dan Ndoye në minutën e 17, por Gjermania u përgjigj shpejt me golin e Jonathan Tah. Pas kësaj, Zvicra riktheu avantazhin me Breel Embolo, por sërish Gjermania barazoi me Gnabry. Në pjesën e dytë, Gjermania kaloi në epërsi me Florian Wirtz, për të cilin Zvicra barazoi sërish me Monteiro. Më në fund, me pesë minuta nga fundi, Florian Wirtz shënoi golin e fitores për Gjermaninë.
Holandë – Norvegji 2-1
Holanda shënoi një fitore 2-1 përballë Norvegjisë, duke arritur një përmbysje pas një fillimi të komplikuar. Norvegjia e hapi rezultatin me golin e Schjeldrup. Megjithatë, Holanda reagoi shpejt dhe barazoi me Virgil Van Dijk në minutën e 35. Në pjesën e dytë, Tijjani Reijnders shënoi golin e fitores, që mbeti i tillë deri në fund.
Angli – Uruguaj 1-1
Ndeshja miqësore mes Anglisë dhe Uruguajit përfundoi pa fitues, me rezultatin 1-1. Anglia e hapi rezultatin me Ben White në minutën e 81, por Uruguaji arriti të barazojë në minutën e 94 me një penallti të Federico Valverde.
Këto ndeshje patën rëndësi të madhe për skuadrat teksa përgatiten për sfida më të mëdha që i presin në Botërorin e ardhshëm.
