Java e ardhshme sjell dy episode kontrastues për dy nga yjet më të mëdhenj të futbollit botëror. Të martën, më 6 tetor, Argjentina do t’i japë lamtumirën Lionel Messit me një homazh në stadiumin ‘Monumental’ të Buenos Aires, në nderim të atij që e çoi skuadrën Albiceleste në kupën e botës në 2022 dhe që katër vite më vonë ishte shumë pranë rikonfirmimit.
Në të njëjtën periudhë, mijëra kilometra larg, drama rreth Cristiano Ronaldos me kombëtaren portugeze ka përpara vetes një zhvillim të mundshëm tjetër shumë delikat. Sipas medias spanjolle ‘Marca’, Federata Portugeze e Futbollit po përpiqet të rinisë dialogun me Ronaldon dhe të riparojë marrëdhëniet edhe me trajnerin Jorge Jesus, në përpjekje për të arritur një zgjidhje që shmang një largim të turpshëm. Drejtuesit synojnë të caktojnë një takim me yllin e Al Nassr javën e ardhshme.
Përpjekjet për të pajtuar palët nuk janë të reja: më parë drejtuesi i federatës, Pedro Proença, dhe trajneri ishin përpjekur ta bënin këtë duke shkuar deri te aeroporti për t’u takuar me Ronaldon, por ai përpjekje nuk mjaftuan. Akuzat dhe kundërakuzat midis Ronaldos, Proençës dhe Jesusit arritën nivele të larta; futbollisti udhëtoi drejt Spanjës dhe përmes një mesazhi të shkurtër e të koduar paralajmëroi se “Në kohën e duhur do t’iu them të gjithë portugezëve të vërtetën për motivet që më shtynë të lë kombëtaren së cilës i jam dedikuar gjithmonë”.
Federata planifikon të tentojë sërish riparimin e marrëdhënieve për t’i ofruar Ronaldos një dalje graduale dhe dinjitoze. Në Portugali opinionet janë të ndara: disa mbështesin arsyet e trajnerit, të tjerë mbrojnë legjendën kombëtare. Në këtë klimë u shfaq edhe një nismë publike—një agjenci posterash vendosi pranë stadiumit ‘Da Luz’ një pankartë ku shkruhej: “Faleminderit Cristiano Ronaldo për gjithçka ke bërë për Portugalinë, do të jesh gjithnjë kapiteni ynë.”
