Gjatë një ceremonie në Shtëpinë e Bardhë për ndarjen e Medaljes së Nderit, Presidenti i SHBA-së Donald Trump pati një moment të sikletshëm kur u përpoq, pa sukses fillimisht, t’i vendoste medaljen në qafë Majorit të Ushtrisë Nicholas Dockery. Pas disa sekondash ngurrimi, Trump lidhja shiritin e medaljes me një nyjë për ta fiksuar atë. Për Majorin e Marinës James Capers Jr. medalja u vendos pa problem. Ceremonia nderoi tre veteranë për akte të jashtëzakonshme heroizmi në Vietnam dhe Afganistan: Capers Jr., Dockery dhe posthumisht Kolonelin e Marinës John Ripley.
Trump u shpreh gjatë ngjarjes: “Këta janë burra të shkëlqyer, njerëz të shkëlqyer. Ju falënderojmë dhe nuk do t’ju harrojmë kurrë”. Akti i ndarjes dhe veprimi me medaljen ndaj Dockery mori gjithashtu vëmendje nga mediat dhe rrjetet sociale.
James Capers Jr., 88 vjeç, u nderua për guximin gjatë një misioni në Vietnam në vitin 1967. Pas një shpërthimi mine ku u plagos rëndë, ai mori komandën e njësisë, kërkoi mbështetje ajrore dhe organizoi evakuimin e gjithë të plagosurve përpara se të largohej vetë nga zona e rrezikshme. Veprimi i tij përfshinte drejtimin e njësisë nën zjarr dhe sigurimin e daljes së të tjerëve.
Nicholas Dockery u dekorua për veprimet në Afganistan në vitin 2012, kur njësia e tij u sulmua dhe ra në pritë nga rreth 150 luftëtarë talebanë. Gjatë asaj beteje ai shpëtoi ushtarë të plagosur nën tërheqje dhe eliminoi dy sulmues që rrezikonin jetën e një kolegu, ndërsa refuzoi të largohej nga zona derisa të gjithë të plagosurit ishin transportuar në siguri.
Koloneli John Ripley u nderua pas vdekjes për një operacion në Vietnam në vitin 1972, kur vendosi rreth 500 kilogramë eksploziv për të shkatërruar një urë strategjike, duke penguar avancimin e forcave të Republikës Demokratike të Vietnamit.
Ceremonia kaloi me emocione dhe vlerësime për sakrificat e veteranëve, ndërsa momenti teknik me medaljen tërhoqi koment dhe vëmendje publike.
