Gjermani – Organizata e Shtetit Islamik mori sot përgjegjësinë për një sulm me thikë në qytetin perëndimor gjerman të Solingenit që la të vdekur tre persona të premten.
Më herët, prokurori Markus Kaspers, i cili po heton sulmin me thikë në Festivalin e Sollingenit, në të cilin humbën jetën tre persona dhe u plagosën tetë të tjerë, njoftoi se nuk shihte “asnjë motiv tjetër përveç terrorizmit” pas sulmit.
Gjatë një konference për shtyp për rastin, drejtori i policisë Torsten Fleiss konfirmoi gjithashtu informacionin se sulmuesi kishte synuar në mënyrë specifike qafën e viktimave të tij, gjë që fillimisht ishte mohuar.
Fleiss sqaroi gjithashtu se deri më tani nuk ka asnjë imazh të autorit, por “po hetohen shumë elementë dhe po merren gjatë gjithë kohës shumë materiale”.
