“Kriptovaluta, luftëtarë në Siri dhe një pozicion strategjik në portat e Europës: Kur mendojmë për terrorizmin xhihadist të të shtënave me armë në ambiente publike, bombave në metro dhe sulmeve me thikë nëpër ura, që gjatë dekadës së fundit kanë tronditur disa kryeqytete europiane- lidhja me Shqipërinë nuk është aspak e para gjë që të vjen në mendje,” shkruan Corriere del Veneto, duke iu referuar ndalimit të një të riu shqiptar që sipas autoriteteve italiane po planifikonte një atentat në qendrën tregtare Adigeo të Veronës.
Gazeta italiane raporton se i arrestuari është një 22-vjeçar shqiptar, të cilin shtypi e lidh me radikalizim online. Hetimet tregojnë se ai kishte kërkuar materiale dhe informacione për prodhim bombash artizanale dhe kishte hapur një llogari bankare për të kaluar fonde. Riu u arrestua në aeroportin e Trevisos më 10 gusht sapo mbërriti nga Tirana me prindërit dhe më pas u dëbua nga Italia për arsye të sigurisë kombëtare. Investigimet zbuluan gjithashtu se ai komunikonte me persona të lidhur me fondamentalizmin islamik dhe kishte menduar të shkonte në territore të kontrolluara nga ISIS.
Për Corriere del Veneto foli edhe ish-profesori i Sociologjisë në Universitetin e Padovës, Vincenzo Pace, i cili e përshkroi rastin si “jashtëzakonisht i rrallë” për Shqipërinë. Pace shpjegon se Islami shqiptar është kryesisht i organizuar në vëllazëri sufiste dhe i lidhur me folklorin dhe traditat e periudhës osmane. Ai kujtoi se gjatë diktaturës komuniste besimi ishte i ndaluar dhe theksoi se sot rreth 70% e popullsisë në Shqipëri deklarohet myslimane, por “bëhet fjalë për një religjiozitet të qetë”. Sidoqoftë, Pace nënvizon se kjo nuk përjashton mundësinë e rasteve të izoluar ose individëve që radikalizohen në internet.
Teksti përmend lidhjet e dyshimta të të riut me persona që favorizojnë fondamentalizmin dhe planet për të shkuar në zonat e kontrolluara nga ISIS. Lajmi është publikuar nga Top Channel, duke cituar raportimin e medias italiane.
