Ish-drejtori i Komunikimit të zyrës së kryeministrit, Endri Fuga dha dorëheqjen nga posti që mbante në fillim të këtij muaji, teksa në një komunikim të shkurtër bënte me dije se arsyeja e dorëheqjes ishte për shkak se do të fokusohej në fushatën për zgjedhjet vendore dhe postin ia kishte deleguar Manjola Hasës.
“Nga dita e sotme une do te perqendrohem ne fushaten zgjedhore te PS. Ndonese ligji nuk e pengon, nuk do te ishte e ndershme qe teksa angazhohem ne fushaten e nje partie politike te vazhdoja te drejtoja edhe Agjencine per Media dhe Informim, ndaj kam dhene doreheqjen nga kjo detyre.
Nderkohe qe bashke do te vazhdojme te komunikojme per te gjitha ceshtjet qe lidhen me fushaten dhe Partine Socialiste, kontaktet me ju nga ana e MIA do i mbaje Manjola Hasa. Ju falenderoj per bashkëpunimin”, njoftonte Fuga.
Kujtojmë se më 18 shtator 2021, Rama njoftoi krijimin e një Agjencie për Mediat dhe Informimin ndërsa emërimi i Endri Fugës si drejtor u njoftua vetëm pak ditë më pas, më 29 shtator 2021.
