Autoriteti Rrugor Shqiptar ka dalë me një njoftim për qytetarët mbi akset që janë shkaktuar problematika për shkak të reshjeve të borës.
Sipas ARRSH, dëborë ka patur në Qafë Plloçë-Kapshticë, Korçë-Ersekë, Libonik-Maliq, Zëmblak-Dogana Goricë, Qafë Mali-Fierzë, Pukë Fushë Arrëz-Kukës. Në këto akse është punar me mjete borëpastruese dhe qarkullimi kryhet pa probleme.
Ndërsa aksi Bogë-Theth vazhdon të jetë i bllokuar për shkak të rënies së ortekëve. ARRSH iu bën apel drejtuesve të mjeteve që të kenë kujdes.
Reshjet e dëborës kanë vazhduar gjatë natës në zonat malore të vendit
Kanë filluar reshjet e dëborës edhe në Qafë Plloçë-Kapshticë, Korçë-Ersekë, Libonik-Maliq, Zëmblak-Dogana Goricë, Qafë Mali-Fierzë , Pukë Fushë Arrëz-Kukës ku është punar me mjete borëpastruese dhe qarkullimi kryhet pa probleme
Në aksin Bogë-Theth në zonën e tuneleve vazhdon rënia e orteqeve duke sjellë vështirësi në qarkullim dhe pastrimin e rrugës
Kontraktorët me mjete e punëtorë kanë qenë në terren gjatë gjithë natës në të gjitha akset me prezencë dëbore për të mbajtur qarkullimin në normalitet
Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore
