Partia Socialiste ka dorëzuar ditën e sotme në Komisionin Qëndror të Zgjedhjeve, kërkesën për regjistrimin e kandidatëve për Shkodrën, Durrësin dhe Lushnjen.
Bëhet me dije se PS dorëzoi kërkesën për regjistrimin e Majlinda Angonit, Emirjana Sakos dhe Eriselda Sefës. Nga ana tjetër mësohet se për Bashkitë e Vorës, Rrogozhinën dhe Dibrës kërkesat për regjistrim do të dorëzohen në KZAZ-të respektive.
Kujtojmë se këto regjistrime janë në kuadër të zgjedhjeve të pjesshme të 6 marsit që pritet të mbahen për 6 bashki të vendit.
