Kryeministri Edi Rama mblodhi pasditen e sotme në selinë e PS-së drejtuesit politikë të qarqeve për të diskutuar për zgjedhjet dhe kandidatët. Në përfundim të mbledhjes burimet mediatike flasin se deputeti Besjan Ajazi pritet të lërë parlamentin për të kandiduar për bashkinë e Gramshit.
Në Shkodër nuk ka më dyshime për Benet Becin duke u larguar kështu edhe një tjetër emër nga kuvendi. Në Vlorë, Edi Rama me shumë mundësi mund të kandidojë Vilma Bellon, ish-deputete, aktualisht zëvendësministre e Turizmit.
Bashkitë e mëdha si Fieri, Durrësi, Kukësi, Gjirokastra, Elbasani, Lezha apo Berati me Tiranën në krye nuk pritet që të kenë surpriza, por rikonfirmime. Megjithatë Edi Rama ka treguar se mund të bëjë surpriza dhe kthesa të forta deri në momentin e fundit.
