Arsenal u rikthye te fitorja në Premier League, duke mundur Newcastle me rezultatin 1-0 në javën e 34-t. Goli i vetëm i ndeshjes erdhi në minutën e 9, nga Eze, i cili shfrytëzoi një skemë nga goditja e këndit dhe me një gjuajtje të fuqishme dërgoi topin në rrjetë për të dhënë avantazhin për skuadrën e Mikel Artetës. Newcastle nisi ndeshjen me një qasje të rrezikshme dhe u duk më i kërcënueshëm në fazat e para, por nuk arriti të shfrytëzonte mundësitë.
Pas golit, Magpies tentuan të përgjigjeshin, me një përpjekje të Willock që nuk pati saktësinë e duhur. Arsenal mori kontrollin e lojës dhe krijoi raste për të dyfishuar shifrat, por nuk ia doli ta realizonte golin e dytë. Gjatë pjesës së parë, Arsenali humbi shërbimin e Kai Havertz për shkak të një dëmtimi, dhe vendin e tij e zuri Ollie Gyokeres.
Në pjesën e dytë nuk ndryshoi shumë ritmi; skuadra e Artetës ruajti energjitë në prag të ndeshjes gjysmëfinale të Ligës së Kampioneve ndaj Atletico Madrid, por gjithsesi vazhdoi të kërkojë golin e dytë. Odegaard pati një rast të rëndësishëm për Arsenalin, ndërkohë që Newcastle pati mundësi për barazim me përpjekjet e Wissa dhe Barnes, por ato u shpërdoruan.
Ndeshja u mbyll 1-0 në favor të Arsenalit, që shkon në 73 pikë, tre më shumë se Manchester City, por me një ndeshje më shumë të luajtur. Newcastle mbetet në vendin e 14 me 42 pikë. Sfida u karakterizua nga një fillim më i mirë i Newcastle, goli i shpejtë i Eze nga një goditje këndi dhe dominimi tërësor të Arsenalit në pjesën më të madhe të takimit, i shoqëruar me të paktë raste të shfrytëzuara nga të dyja skuadrat në pjesën e dytë. Top Channel
