Tirana fitoi derbin e kryeqytetit ndaj Partizanit me rezultat 2-1 në “Arenën Kombëtare”. Ndeshja nisi me raste nga të dyja ekipet dhe shpërtheu në minutën e 22’, kur Partizani kaloi në avantazh me një aksion të shpejtë në të djathtën; Sidibe kroson në qendër dhe Human shënon për 0-1, duke mposhtur Bekajn. Pas këtij goli, zhvillimet vazhduan të rrezikshme; në minutën e 35’ Sembene gaboi në prapavijë dhe la Myslovic të provonte nga gjysmëfusha, por pa gjetur portën.
Pjesa e parë u mbyll pa ndryshim rezultati dhe me disa ndërhyrje dhe të verdha si ajo për Qaka-n në minutën e 19’. Në startin e pjesës së dytë, Tirana u aktivizua më shumë në kërkim të barazimit; provokime nga goditjet këndore dhe tentativat me kokë vijuan, ndërsa në minutën e 53’ Tabeku goditi me kokë pa gjetur katërkëndorin, dhe një minutë më vonë Mysloviç detyroi Qirkon të grushtonte një goditje të rrezikshme.
Barazimi erdhi në të 66’, kur pas një krosimi në zonë Kresic goditi me kokë dhe mposhti më në fund Qirkon për 1-1. Partizani bëri ndryshime në të 71’ duke futur Keko dhe Shabani në vend të Kontreras dhe Isgandarli. Ndeshja u tensionua më tej me kartonë të verdhë për Kobiljar në të 75’ dhe për Rafael në të 80’.
Përmbysja vendimtare erdhi në minutën e 84’, kur Alvarez shënoi një gol spektakolar nga goditja e dënimit, duke siguruar fitoren 2-1 për Tiranën. Ndeshja u mbyll në minutën e 90+5’ me fitoren e bardhebluve. Me këtë triumf, Tirana ngjitet në 35 pikë, duke u larguar nga zona e rrezikut, ndërsa Partizani mbetet me 45 pikë dhe momentalisht jashtë zonës së “Final 4”.
Formacionet zyrtare: Tirana – Bekaj, Vera, Ndong, Halili, Kreshiç, Rafael, Mysloviç, Kobiljar, Haxhiu, Xhixha, Tabeku. Trajner: Orges Shehi. Partizani – Qirko, Preka, Sembene, Atanaskoski, Murataj, Qaka, Dumbia, Hjumën, Isgandarli, Sidibe, Kontreras. Trajner: Oltijon Kërnaja.
Rezultati: TIRANA 2-1 PARTIZANI (Kresic 66′, Alvarez 84′ / Human 22′).
