TIRANË-Një aksion i Policisë në Tiranë në ndjekje të një personi të armatosuar ka shkaktuar edhe përplasjen e katër automjetve. E gjithë skena e ndjekjes është parë nga qytetarët dhe ka krijuar panik për shkak se mjeti në ndjekje ka kryer manovra për t’i shpëtuar policisë.
Konkretisht Policia i është vënë pas mjetit tip ‘Audi Q8’në rrugën “Myslym Shyr” dhe arrestimi i shoferit është bërë i mundur në zonën e ish-Bllokut. Gjatë arrestimit drejtuesit të mjetit i është sekuestruar një armë zjarri. Raportohet se gjatë ndjekjes, janë përplasur 4 makina. Po vijon hetimi për zbardhjen e plotë të veprimtarisë së personit të arrestuar.
