Një pallat pranë spitalit “Nënë Tereza” në Tiranë u përfshi nga flakët ditën e djeshme, duke shkaktuar dëme të mëdha materiale dhe duke lënduar disa zjarrfikës dhe qytetarë që u asfiksuan. Profesori i kriminalistikës, Ervin Karamuço, në një intervistë në ‘Top Story’, theksoi se në momentet e zjarrit kishte ende njerëz në gjumë brenda pallatit, të cilët duhej t’i zgjoheshin zjarrfikësit për t’i shpëtuar. Ai shpjegoi se veshjet e pallateve me polisterol janë të rrezikshme, pasi një shkëndijë elektrike mund të shkaktojë katastrofa të mëdha.
Karamuço theksoi se rreth 70% e pallateve janë të veshura me këto materiale dhe sugjeroi që ato duhet të hiqen. Ai gjithashtu përmendi se autoshkalla e përdorur ishte e Bashkisë Kamzë, pasi Tirana nuk dispononte shkallë më të larta. Ai kërkoi një rrogë më të lartë për zjarrfikësit, duke i cilësuar ata si heronj, dhe shpjegoi se tymi ishte toksik dhe mund të shkaktonte asfiksim në vetëm katër minuta. Karamuço kritikon edhe mungesën e mjeteve si helikopterë dhe dronë që mund të operojnë në lartësi të mëdha.
