Vajza 13-vjeçare e Kim Kardashian dhe Kanye West, North West, tërhoqi vëmendjen me stilin e saj ekstravagant gjatë pjesëmarrjes në festivalin ComplexCon në Los Angeles. Ajo u shfaq me flokë blu, grila metalike në dhëmbë dhe piercing fals, dhe pozoi krah njerkës së saj, Bianca Censori. Në event ishte i pranishëm edhe babai i saj, Kanye West, i cili u shfaq me veshjen e tij karakteristike prej lëkure.
Adoleshentja ka qenë shpesh në qendër të vëmendjes mediatike për stilin e saj të veçantë. Nëna e saj, Kim Kardashian, ka thënë së fundmi se përpiqet ta frenojë North nga angazhimet e shumta publike, pasi vajza ka një interes të madh për muzikën dhe projektet para kamerave. Kim ka deklaruar gjithashtu se ajo dhe Kanye West po përpiqen të komunikojnë më mirë për të marrë vendime të përbashkëta lidhur me projektet e vajzës së tyre.
North ka nisur karrierën muzikore; këtë vit publikoi një EP debutuese dhe është shfaqur në kopertinën e revistës Dazed. Stili i saj ka shkaktuar reagime më parë: ajo ka shfaqur piercing-e në gishta dhe në disa projekte muzikore është shfaqur me piercing-e të përkohshme në fytyrë.
Në një nga projektet e saj muzikore, North bashkëpunoi me Lil Novi, djalin e reperit Lil Wayne. Në videoklipin e tyre ajo shfaqet me flokë blu, grila metalike dhe aksesorë me pamje punk, duke vijuar linjën e stilit të saj të pazakontë.
Në material ishin përfshirë edhe fotografi të pamjeve të ndryshme të North në evente dhe klipet e saj.
