Pronarët e fondit “RedBird” vlerësojnë lart drejtorin sportiv të Toulouse, Viktor Bezhani, i cili po shfaqet si kandidat kryesor për të marrë drejtimin sportiv te AC Milan. Me afrimin e fundit të sezonit dhe garën për vend në zonën e Champions League, drejtuesit e Milanit pritet të bëjnë vlerësimet për strukturën dhe të ardhmen e klubit, ndërsa në zyrat e larta po qarkullojnë disa ide, përfshirë emrin e Bezhanit.
Bezhani aktualisht mban postin e drejtorit sportiv te Toulouse, një klub gjithashtu nën pronësinë e “RedBird”. Ai ka tërhequr vëmendje për punën në zbulimin dhe zhvillimin e talenteve, duke u përqendruar te lojtarët e rinj dhe premtues që më pas janë shitur për shuma të konsiderueshme, çka ka ndihmuar stabilitetin financiar të klubit. Si shembull konkret, gjatë afatit kalimtar të verës së kaluar Bezhani finalizoi transferimin e Jaydee Canvot te Crystal Palace për 23 milionë euro. Për më tepër, organika e Toulouse përfshin elemente si portieri Restes dhe mbrojtësi i krahut Methalie, të cilët kanë tërhequr interesin e klubeve më të mëdha europiane.
Drejtuesit e “RedBird” shprehin kënaqësi ndaj qasjes dhe strategjisë që Bezhani zbatoi në Francë, dhe për këtë arsye e shohin atë si kandidatin e duhur për të udhëhequr projektin sportiv të AC Milan në të ardhmen e afërt. Megjithatë, vendimet zyrtare mbi drejtimin që do të marrë klubi milanez do të vihen pas përfundimit të sezonit, kur do të bëhen vlerësimet përfundimtare.
Ky zhvillim vjen në një kohë kur po flitet për një rritje të prezencës së profileve shqiptare në elitën e futbollit italian; pas largimit të Igli Tares nga drejtimi sportiv në Serie A, një tjetër shqiptar mund të marrë një rol të rëndësishëm në skenën italiane përmes një poste të tillë te AC Milan.
