Lionel Messi synon një objektiv tjetër në finalen e Botërorit 2026: përveç fitimit të dytë radhazi të Kupës së Botës me Argjentinën, kapiteni kërkon edhe “Këpucën e Artë” si golashënuesi më i mirë i turneut. Në prag të finales ndaj Spanjës, Messi ka 8 gola, ndërsa rival i tij kryesor, Kylian Mbappé, ka përfunduar aventurën e tij në Botëror me 10 gola pas finales për vendin e tretë.
Për të fituar trofeun pa diskutim, Messi duhet të shënojë të paktën 3 gola në finalen e New Jersey, çka do ta bënte automatikisht golashënuesin më të mirë të turneut. Nëse shënon 2 gola, ai do të barazonte Mbappénë me 10 gola dhe vendimi do të përcaktohej nga kriteret e FIFA-s për rastet e barazimit.
Sipas rregullave të FIFA-s, në rast barazimi për numrin e golave, përparësi kanë kriteret e mëposhtme: më shumë asistime fiton; nëse edhe asistet janë të barabarta, fiton lojtari që ka luajtur më pak minuta gjatë turneut. Në praktikë, kjo do të thotë se Messi mund të fitojë “Këpucën e Artë” edhe me 2 gola në finalen e Spanjës nëse bashkë me dy golat shënon edhe 1 asist, duke e tejkaluar Mbappénë në numrin e asistimeve. Nëse Messi barazon golat me Mbappénë dhe asistet rezultojnë gjithashtu të barabarta, atëherë do të vendoste kriteri i minutave të luajtura.
Mbappé ka mbyllur Botërorin me 769 minuta të luajtura, duke bërë që për Messi të duhet një situatë shumë specifike nëse ai e barazon francezin në gola pa regjistruar asistime, në mënyrë që të fitojë me criterionin e minutave të luajtura.
Finalja ndaj Spanjës në New Jersey paraqet për Messin jo vetëm një përballje për historinë e Argjentinës; 39-vjeçari mund të largohet nga Botërori me dy kurora të mëdha: Kupën e Botës dhe “Këpucën e Artë”.
