Bayerni i Mynihut është kualifikuar në gjysmëfinalen e Champions League pas një ndeshjeje emocionuese ndaj Real Madridit, e cila përfundoi 4-3 në “Allianz Arena”, duke u bashkuar me fitoren 1-2 në ndeshjen e parë. Takimi nisi me golin e Guler, i cili shfrytëzoi një gabim të Manuel Neuer. Vendasit barazuan shpejt me Pavlovic, por Guler shënoi sërish për Realin në minutën e 29 me një goditje dënimi. Kane barazoi për Bayernin në minutën e 38, ndërsa Mbappe riktheu avantazhin për madrilenët katër minuta më vonë.
Ndeshja u intensifikua, me të dy skuadrat që kërkonin kualifikimin. Situata u komplikuar për Realin pas kartonit të kuq të Camavingas në minutën e 86. Pas tre minutash, Luis Diaz shënoi golin e tretë për Bayernin, dhe Olise vulosi fitoren në sekondat e fundit. Me këtë rezultat, Bayerni kalon në gjysmëfinale, ku do të përballet me PSG-në, ndërsa Reali eliminohet për herë të dytë radhazi në çerekfinale.
Rezultati përfundimtar ishte Bayern Munchen 4-3 Real Madrid, me golat e shënuar nga: Pavlovic (6′), Kane (38′), L. Diaz (89′), Olise (90+4′) për Bayernin dhe Güler (1′, 29′), Mbappe (42′) për Realin.
