LUSHNJE- Në Bashkinë e Lushnjes është zhvilluar sot një mbledhje me drejtorët të cilëve u është kërkuar që të japin dorëheqjen. Pas këtij akti të gjithë drejtorët do t’i nënshtrohen një intervistë dhe në bazë të performancës do të vendoset nëse do qëndrojnë apo do lënë vendin që ata kanë mbajtur më parë.
Po ashtu bëhet me dije se është zhvilluar dhe një mbledhje me 15 kryetarët e njësive administrative. Edhe atyre u është kërkuar të japin dorëheqjen.
Këto largime vijnë pas ultimatumeve dhe kërkesave të kryeministrit Edi Rama, i cili tre ditë më parë në takimin me kryebashkiakët në Durrës, tha se deri sot duhet të shkarkohen të gjithë kryetarët e Njësive Administrative në të gjithë Republikën e Shqipërisë.
