Paris Saint Germaini triumfoi në finalen e Ligës së Kampioneve për të dytin vit radhazi, duke mposhtur Arsenalin pas serisë së gjuajtjeve të penalltive. Trajneri Luis Enrique u shfaq tejmase i euforik, duke vlerësuar ndërtimin e një skuadre të fortë dhe pa rivalë në Evropë.
Enrique theksoi se ndeshja ishte e vështirë për shkak të cilësisë së kundërshtarit: “Na kushtoi shumë, kjo ndeshje sepse Arsenali është një skuadër shumë kompetitive”, dhe përmendi se Arsenali nisi ndeshjen “në mënyrën më të mirë duke shënuar gol me fat, me faktin e rëndësishëm se erdhi në një finale një gol i shpejtë”. Megjithatë, ai vuri në dukje se në fund ishte PSG që “buzëqeshi” pas penalltive.
Trajneri riktheu në vëmendje edhe përvojën personale me penalltitë: “Humba një ndeshje me penallti me Spanjën ndaj Marokut në Botëror dhe më vranë për këtë”, duke shtuar se “gjithçka varet nga cilësia e lojtarëve dhe portierët”.
Për elementët kyç të ndeshjes, Enrique tha: “Kur luan ndaj Arsenalit nga brenda je i vdekur, folëm përpara ndeshjes, por e çuan lojën në atë mënyrë”. Ai shtoi se në pushim skuadra tentoi të korrigjonte, por se është frustruese të luash kundër ekipeve të tilla. Enrique vlerësoi se të dyja skuadrat e meritonin fitoren, por se e bërë gjatë një sezoni duhet marrë në konsideratë.
Duke komentuar fitimin për të dytin vit radhazi, Enrique e lidh këtë arritje me rekordin e Real Madridit, që fitoi tri herë radhazi Ligën e Kampioneve me Zidane: “Duke qenë se këtë e ka arritur vetëm Reali i Madridit, nuk e di sesi do të shkojë… e para ishte historike, e dyta do të jetë akoma më shumë.” Ai tha se PSG identifikohet si “një skuadër që luan siç iu pëlqen njerëzve” dhe është në grupin e ekipeve më të mira.
Në fund, Enrique lavdëroi lojtarët: “Këta lojtarë janë totalisht ndryshe… iu duhet të them të ndalojnë së stërvituri sepse ata vazhdojnë dhe nuk ndalen. Niveli është shumë i lartë… Tani të shijojmë pushimet për gati 2 muaj.”
