Në mesnatë ishte afati i fundit i dorëzimit të listave për kandidatët dhe këshilltarët bashkiakë. Në Tiranë socialistët i prezantuan emrat pasdite, ndërsa koalicioni i Berishës dhe Metës në mesnatë. Për PD-në zyrtare të Enkelejd Alibeajt ende nuk ka asnjë informacion.
Në koalicionin me Metën, Berisha ka marrë shumicën e kandidatëve për këshilltarë bashkiakë. I ndjekur më pas nga Meta me 240 pozicione, PBDNJ-së 20 pozicione kandidimi dhe Partia Demokristiane 6 pozicione kandidimi.
Lista për Tiranën e koalicionit Meta-Berisha udhëhiqet nga Ilir Alimehmeti, ish-kandidati i Rithemelimit që mori pjesë në procesin e primareve për bashkinë e Tiranës.
Vendi i dytë, Silva Caka nga Partia e Lirisë, gjithashtu Tedi Blushi, Floida Kërpaçi, Elona Guri e Ana Azizaj. Pjesë e listës është bërë edhe avokati Genc Gjokutaj, gazetarja Beti Njuma, aktori Julian Deda.
Lista e plotë e koalicionit Berisha-Meta për këshilltarë në Tiranë
