Pas diskutimeve të shumta dhe propozimeve të antarëve, dje drejtuesi politik i qarkut Elbasan, Damian Gjiknuri, i dha fund dilemës së kandidatit që Partia Socialiste do nxirrte nga radhët e saj në Librazhd. Bëhet fjalë për Mariglen Dishën, një eksponent i lartë i socialistëve në Librazhd, ish drejtor i Aluiznit në Korcë, Elbasan dhe së fundmi Tiranë, ka marrë besimin e gjerë nga antrësia Partisë Socialiste Librazhd për të kandiduar ai përfaqësues i socialistëve në zgjedhjet vendore të 14 Majit.
Por kush është Mariglen Disha?
Mariglen Disha ka lindur në Librazhd në një familje me tradita dhe autoktone në qytet. Pasi Disha mbaron studimet para universitare në gjimnazin ‘Ibrahim Muca’ të Librazhdit, ndjek më pas studimet e larta në Universitetin Politeknik të Tiranës, fakulteti i Inxhinierisë së Ndërtimit, ku diplomohet në vitin 2006 si Inxhinier Ndërtimi.
Disha ka shërbyer për disa vite si drejtor i Kadastrës së Korcës e më pas në Elbasan dhe Tiranë, ku ka spikatur më punën e tij në drejtimin e institucioneve. Profesionalizmi dhe shërbimi ndaj qytetarëve pa interes dhe pa i ndarë në të majtë dhe të djathtë kanë karakterizuar punën e Dishës në këto institucione.
Dhe përpost figurës të konsoliduar dhe të matur, një nga shtysat më të mëdha për Gjiknurin, për ti dhënë besim Dishës në garën për Bashkinë e Librazhdit ka qënë pikërisht mbështetja e gjërë në bazën e partisë që Disha ka.
