Nga maji nisin fluturimet në kosto të ulët nga Aeroporti Zayed i Kukësit drejt 4 destinacioneve në 3 shtete të Europës.
Bëhet fjalë për destinacione drejt Gjermanisë, Zvicrës dhe Austrisë, ku fillimisht fluturimet do të kryhen dy herë në javë e më pas pritet që harta e shteteve të zgjerohet më tej.
“Jemi këtu për të njoftuar nisjen e fluturimeve në 4 destinacione të reja. Do të shikojmë edhe si tregu do të reagojë për këtë. Bashkë me këto destinacione të reja, edhe ato nga aeroporti i Tiranës, shkojmë në 38 destinacione. Këtë shpresojmë edhe për Kukësin, ne shikojmë që klientët tanë janë të kënaqur nga shërbimet tona. Ne do ta zgjerojmë biznesin tonë këtu me destinacione fluturimi të reja. Unë e di, kryeministri është shumë i vendosur për Londrën. Në bashkëpunim me Wizz do të shikojmë këtë dhe do ju njoftojmë, nuk dua të spekuloj”, tha Drejtori i Përgjithshëm i Wizz Air Group, József Váradi.
Kryeministri udhëtoi nga Tirana drejt Aeroportit të Kukesit ku deklaroi se destinacioni i radhës do të jetë Londra, ndërsa shtoi investimet në sektorin e aviacionit do të vijojnë.
“Unë nuk do ti ndahem Kukësit deri kur ‘The London Boys of Kukës’ të kenë fluturimet nga Kukësi në Londër dhe anasjelltas, ose destinacione të tjera rreth e rrotull me tarifa simbolike”, tha Rama.
Veç çmimeve konkuruese, kryeministri Rama tha se aeroporti i Kukësit do të sjellë një impakt të konsiderueshëm në ekonomi dhe në punësim.
Biletat kanë dalë menjëherë në shitje që prej ditës së sotme:
