Klea Prenga ka akuzuar Antonela Berishën dhe motrën e saj, Mariela, pas një sulmi barbar që ato të dyja kanë ushtruar ndaj saj. Klea tregoi se teksa darkonte, një person e sulmoi nga pas dhe i theu një gotë në fytyrë dhe akuzon Antonela e Mariela Berishën si porositëse të këtij sulmi, ku shoqërohet edhe me një ‘mesazh’ edhe në telefonin e saj. Policia i shpalli në kërkim motrat Berisha për “Plagosje të rëndë me dashje”.
Duke u fokusuar te “molla e sherrit” mes vajzave, i cili është biznesmeni i njohur, Mir Pepa, partneri i Marielës, ku bashkë kanë edhe një fëmijë, nuk kishim vënë re një tjetër detaj. Klea Prenga ka të njëjtin mbiemër me Ledjanën, ish konkurrenten e “Për’puthen” ose ndryshe ‘armiken’ e Antonelës, kështu janë konsideruar vajzat, ku “molla e sherrit” për to në program ishte Mevlan Shaba.
Tani hipotezat janë: Mos ndoshta Ledjana dhe Klea janë të afërta, ndoshta kushërira? Mos ndoshta historia është më ndryshe nga çfarë dimë ne dhe rrënjët janë më të thella? Mos ndoshta armiqësia mes Ledjanës dhe Antonelës ka kaluar tashmë tek të afërmet e tyre?
Ama duket se Ledjana e nuhati se emri i saj do përfshihej në këtë histori kështu që bëri ditën e sotme një reagim të shpejtë në Instastory. Ajo ka treguar se i vjen keq dhe se mban krahun e vajzës së dhunuar duke u shprehur se ajo nuk ka faj, por edhe se nuk ka pasur kontakt me Klean.
