Një ngjarje e rëndë ka ndodhur gjatë natës në lagjen “8 Shkurti” në Fier, ku një 40-vjeçar, i paidentifikuar, ka humbur jetën gjatë një tentative për vjedhje në një banesë. Sipas vëllait të kryefamiljarit, Nikollaq Lule, banesa i përket Uan Lules, i cili ndodhet në Greqi me fëmijët e tij prej një muaji. Fqinji që kujdeset për banesën e ka gjetur të vdekur hajdutin me trupin e tij të ngecur në dritare dhe ka njoftuar menjëherë policinë.
Trupi i pajetë është dërguar në morgun e Fierit, ndërsa identifikimi i tij ende nuk është kryer. Po ashtu, autoritetet po punojnë për të përcaktuar shkaqet e vdekjes.
