Sezoni i rregullt i Kategorisë Superiore po shkon drejt fundit, me vetëm pesë ndeshje të mbetura për t’u zhvilluar përpara fazës së “Final Four”. Federata Shqiptare e Futbollit njofton se ka nxjerrë në shitje biletat për këtë fazë të kampionatit, duke nisur nga kjo e enjte.
Në fazën e “Final Four” do të përballen katër skuadrat më të mira që do të dalin në përfundim të 36 javëve të kampionatit, me ndeshjet që do të zhvillohen në “Air Albania Stadium”. Çmimet e bileta për raundet e parë dhe të dytë, që përkojnë me katër ndeshjet e para më 16, 17, 23 dhe 24 maj, janë të përcaktuara si më poshtë: tribunat e kategorisë 3 dhe 4 nga 500 lekë; tribunat e kategorisë 2 1000 lekë; kategoria 1 1500 lekë; sektori Premium 2000 lekë; tribuna VIP 3000 lekë; sektor VVIP 5000 lekë.
Për raundin e tretë, që përfshin dy ndeshjet e fundit më 29 dhe 31 maj, çmimet e bileta ndryshojnë pak: tribunat e kategorisë 3 dhe 4 mbeten 500 lekë; tribunat e kategorisë 2 1500 lekë; kategoria 1 2000 lekë; sektori Premium 2500 lekë; tribuna VIP 3500 lekë; sektor VVIP 5500 lekë.
Kalendari i plotë i “Final Four” është si më poshtë: Vendi 1 kundër Vendit 4, 16.05.2026, ora 19:00; Vendi 2 kundër Vendit 3, 17.05.2026, ora 19:00; Vendi 1 kundër Vendit 3, 23.05.2026, ora 19:00; Vendi 2 kundër Vendit 4, 24.05.2026, ora 19:00; Vendi 3 kundër Vendit 4, 29.05.2026, ora 19:00; Vendi 1 kundër Vendit 2, 31.05.2026, ora 19:00.
Biletat për ndeshjet e “Final Four” mund të blihen online në platformën Bibeleta.al.
