Asambleja e Aksionerëve e Interit miratoi bilancin për vitin fiskal 2025/26 gjatë një mbledhjeje të mbajtur të hënën në mënyrë telematike, me prezencën e presidentit të klubit Giuseppe Marotta. Bilanci tregon të ardhura totale prej 518 milionë euro për sezonin 2025/26, shifër kjo që përbën nivelin e dytë më të lartë në historinë e klubit, pas rekordit të sezonit të kaluar me 567 milionë euro. Sezoni i kaluar u karakterizua nga të ardhurat e garantuara nga pjesëmarrja në Botërorin e Klubeve dhe nga arritja në finalen e Ligës së Kampioneve.
Bilanci mbyllet me një rezultat pozitiv ekonomik prej 22.7 milionë euro. Ky rezultat i mirëfinanciar u arrit përmes konsolidimit të të ardhurave totale, të cilat lidhen me rritjen e të ardhurave komerciale dhe të të ardhurave ditën e ndeshjeve, si dhe për shkak të një reduktimi të kostove të prodhimit me rreth 20 milionë euro, që korrespondon me një ulje prej rreth 4%. Ecuria e këtij viti fiskal solli gjithashtu një përmirësim të pasurisë neto të Grupit: ajo u rikthye në territor pozitiv me 10.4 milionë euro, pas një pozicioni negativ prej 12 milionë eurosh në mbyllje të bilancit 2024/25.
Gjatë vitit fiskal të raportuar, shpenzimet financiare u reduktuan ndjeshëm, me një ulje rreth 50% në vlerë absolute, ose rreth 19 milionë euro. Ky përmirësim financiare lidhet me operacionin e rifinancimit të përfunduar në fund të vitit të kaluar. Financimi i ri karakterizohet nga një kosto kapitale më e përmbajtur në krahasim me financimin më parë, sipas dokumentacionit të Asamblesë.
Në të njëjtën periudhë, klubi ka nisur një plan investimesh për zhvillimin e infrastrukturave të Qendrës Stërvitore të Interit në Appiano Gentile dhe të Qendrës Stërvitore të vajzave në Interello. (Top Channel)
