Një video që pretendohet se është xhiruar në ambientet e burgut të Reçit është duke qarkulluar me shpejtësi në rrjetet sociale, ku një i ri, i cili thotë se vuan dënimin në këtë institucion, shfaqet në dhomë me armë dhe me kokainë. Djali që në videon e publikuar nga JOQ, me inicialet D.N., 29 vjeç, thotë se është i dënuar në burgun e Reçit, dhe tregon vështirësitë me të cilat i duhet që vtë përballet brenda qelisë.
Ai tregon armën e ftohtë të cilën e posedon me qëllim për t’u vetëmbrojtur, ndërkohë që në tavolinën e dhomës ka dhe disa doza kokaine. Ai pretendon se i gjithë stafi i burgut, përfshi drejtuesin dhe oficerët, janë të korruptuar.
“Këtë video e bëj për sigurinë e jetës sime, vij nga fshatrat e Pukës, kam jetuar për shumë vite në Tiranë. Kam vuajtur dënimin në Fushë Krujë, këtu tani çdo gjë është krim. E mbaj për sigurinë time, këtu janë të korruptuar!”, thotë ai ndër të tjera.
D.N. tregon se për dhomën në të cilën ai qëndron, ka paguar 5 mijë euro, pasi çdo gjë kryhet me lekë.
“Kaq vlen jeta, sa një gram kokainë. Ju lutem shumë merrni masa për mua. Unë këto të dyja (armët e ftohta) i mbaj për vetëmbrojtje”, tregon D.N.
https://www.facebook.com/plugins/video.php?height=476&href=https%3A%2F%2Fwww.facebook.com%2Fjoqviral2%2Fvideos%2F1061291415148589%2F&show_text=false&width=380&t=0
Por përtej mesazhit të tij, që pretendon se ka marrë një dënim shumë të rëndë, i akuzuar për vjedhje, institucionet do të duhet që të reagojnë për vërtetësinë e kësaj video, pasi nëse ajo është realizuar brenda burgut të Reçit, do të përbënte një tjetër skandal në këto institucione të vuajtjes së dënimit.
