Partia Socialiste ka zgjidhur dilemat për bashkinë që konsiderohet bastion i tyre, atë të Vlorës.
Ermal Dredha do të jetë kandidati i PS-së për Vlorën.
Kandidatura e tij është zgjedhur nga Asambleja Socialiste në një votim të fshehtë ku përballë tij kandidati tjetër ishte ish-deputeti Fate Velaj e ku i pranishëm si në asnjë bashki tjetër ishte vetë kryeministri Edi Rama.
E ndërsa problemi i Vlorës është zgjedhur, Edi Rama synon të zgjedhë edhe betejën për Bashkinë e Selenicës, pasi ka një luftë nën rrogoz mes Blendi Klosit dhe Vullnet Sinajt.
Burime të Vox News thonë se Klosi dëshiron si kandidat nënkryetarin e Bashkisë së Himarës, Dhimitër Kapaj, ndërsa Sinaj lobon për kryetarin e PS për Selenicën, Nërtil Bellaj.
Në këtë mënyrë, ashtu si në Vlorë, Rama ka zbritur vetë në terren duke takuar dy kandidatët dhe për të dëgjuar alternativat e tyre, sicc duken dhe në fotot e siguruara nga Vox News.
Më pas, Rama ka zhvilluar një takim edhe me Klosin dhe Sinajn. Burime të Vox News pohojnë se vendimi final për kandidatin e Bashkisë së Selenicës do ta marrë kryesia e Partisë Socialiste në Tiranë.
