Tre shqiptarë janë arrestuar nga autoritetet britanike pas zbulimit të rreth 250 kilogramëve kokainë, e cila ka një vlerë tregu prej 20 milionë paund. Ky operacion u ndërmor nga Partneriteti i Krimit të Organizuar në Londër (OCP), një ekip i përbashkët i Agjencisë Kombëtare të Krimit (NCA) dhe Policisë Metropolitane, të krijuar për të luftuar krimin e organizuar.
Droga u gjet në një kamion në Dartford, Kent, gjatë një kontrolli të koordinuar nga oficerët e OCP-së. Të tre të arrestuarit mbeten në paraburgim dhe po merren në pyetje për akuzën e furnizimit me drogë të klasit A.
Zyrtari i OCP-së, Andy Tickner, komentoi rëndësinë e këtij sekuestrimi, duke theksuar që nëse nuk do ishin ndërhyrë oficerët, sasia e drogës do të kishte përfunduar në rrugët e komuniteteve, duke kontribuar në rritjen e varësisë dhe aktiviteteve të tjera kriminale. Kjo ngjarje shënon një moment të rëndësishëm në luftën kundër krimit të drogës në Britani.
