Këtë të martë u shpërndanë medaljet e para në Kampionatin Evropian të Mundjes që po zhvillohet në Tiranë. Ngjarja kryesore ishte triumfi i turkut Riza Kayaalp në peshën deri në 130 kg, i cili fitoi medaljen e 13-të të artë evropiane në këtë kategori duke vendosur një rekord të ri. Në finale Kayaalp mposhti hungarezin Vittek 7-0. Medaljet e bronztë në këtë peshë i fituan Pavel Hlinchuk, që mundi Kamparov, dhe Mykhailo Vyshnyvetskyi, që mposhti Kandelakin.
Në peshën 55 kg, medaljen e artë e fitoi Sefershaev, i cili mundi në finalen e tij gjeorgjianin Lolua 2-1. Medaljet e bronztë u fituan nga bullgari Mamadov, që mposhti Recep 8-0, dhe Grigorov, që mundi Khachatrian 8-0.
Në peshën 63 kg, Emelin u shpall kampion evropian pasi fitoi ndaj moldavit Eriomenco 9-0. Medaljet e bronztë në këtë kategori i morën Aslanyan dhe Kamal, që mposhtën respektivisht Salinov dhe Abuladze me rezultatet 11-0 dhe 6-2.
Në kategorinë 77 kg, moldavu Amoyan fitoi medaljen e artë të kampionit të Evropës duke mposhtur Ramaz Zoidze, i cili mori medaljen e argjendtë. Medaljet e bronztë u fituan nga Fritsch dhe Baff, që mundën kundërshtarët Kamjenasevic dhe Gutu. Për Malkhas Amonyan, kjo e fituar në Tiranë është medalja e 5-të e artë në një evropian në karrierën e tij.
Në kategorinë deri në 87 kg, Bisultanov u shpall kampion i Evropës pasi mundi në finalen e tij bullgarin Novikov 8-4, që mori medaljen e argjendtë. Medaljet e bronztë u fituan nga Abbasov dhe Filchakov, të cilët mposhtën rivalët Kaya dhe Jarashevic.
Në dy përfaqësimet shqiptare të ditës, Bajram Sina garoi në kategorinë deri në 60 kg dhe humbi në raundin kualifikues ndaj moldavit Rusu 10-1. Gjete Prenga në kategorinë 67 kg u eliminua në 1/8 e finaleve pas humbjes ndaj Dominit Erlinger.
