Një grua e moshuar, rreth 80 vjeç, në Vlorë ka kërcënuar se do të hidhet nga ballkoni i banesës së saj, pasi mbylli derën dhe doli në verandën e shtëpisë ku jeton e vetmuar. Ngjarja u zhvillua në lagjen Pavarësia 3, ku e moshuara qëndroi për disa minuta në ballkonin e katit të tretë duke kërcënuar se do të hidhet.
Në vendngjarje kanë mbërritur forcat e policisë dhe zjarrfikësit. Një efektiv i zjarrfikëses përdori shkallët për t’u ngjitur deri te banesa dhe për të bindur të moshuarën të zbresë. Sipas informacionit, e moshuara dyshohet se vuan nga probleme të sklerozës.
Nipi i saj ka arritur në vend dhe, së bashku me efektivin e zjarrfikëseve, ka hapur derën e banesës. Pas ndërhyrjes së tyre, e moshuara po merr ndihmën mjekësore. Autoritetet lokale dhe shërbimet emergjente ishin të pranishme gjatë incidentit për të siguruar të mos ketë pasoja të mëtejshme.
Ngjaria është raportuar nga Top Channel.
