Diddy ka dorëzuar një kërkesë të re për lirim me kusht, pak para seancës së tij të dënimit të planifikuar më 3 tetor. Ekipi i tij ligjor, përfaqësuar nga avokatët Mark Anifillo dhe Tenny Geragos, po përpiqet të bindë gjykatën që ta lërë atë të lirë derisa të merret një vendim përfundimtar.
Sipas dokumenteve nga TMZ, avokatët argumentojnë se Diddy është “i vetmi person në Amerikë që mbahet në paraburgim për shkak të angazhimit të eskortave meshkuj për marrëdhënie seksuale”. Ai është shpallur fajtor për shkelje të Aktit Mann, një ligj federal që ndalon trafikimin e personave për qëllime imorale. Mbrojtja thekson se zakonisht të dënuarit në raste të ngjashme lirohen në pritje të apelimit. Ata argumentojnë se nuk kishte të mitur të involvuar dhe se marrëdhëniet ishin me eskorta të rritura, të angazhuara në mënyrë konsensuale si pjesë e një stili jetese “swinger” me të dashurën e tij Cassie Ventura dhe një grua tjetër të panjohur.
Avokatët gjithashtu theksojnë se Diddy nuk ka pasur kontakt seksual me eskortat, por vetëm me partneret e tij. Ata po ndërlidhin rastin me ndryshimet kulturore dhe sociale që kanë ndodhur që nga miratimi i Aktit Mann 115 vjet më parë, duke argumentuar se Diddy nuk përbën rrezik për publikun.
Megjithëse ai është liruar nga akuzat më të rënda, si organizimi kriminal dhe trafikimi, ai vazhdon të mbetet në burg pasi gjykatësi e vlerësoi si një kërcënim për shoqërinë, duke u bazuar në incidentet e mëparshme me natyrë të dhunshme.
