Partia Demokratike denoncon rritjen e çmimit të naftës në Shqipëri dhe i kërkon qeverisë ndërhyrje të menjëhershme përmes lehtësive fiskale. Përmes një deklarate, deputeti Eno Bozdo e përshkroi situatën si emergjente, duke thënë se çmimi i naftës ka arritur nivele rekord dhe po rëndon ekonomitë familjare, bizneset dhe sektorin prodhues. Sipas tij, nafta tregtohet aktualisht rreth 229 lekë për litër, ose rreth 2,5 euro, dhe vendos Shqipërinë ndër vendet me çmimin më të lartë në rajon dhe mbi mesataren e Bashkimit Evropian.
Bozdo sjell krahasime: çmimi mesatar i dizelit në BE ishte 2 €/L (më 7 shtator 2026), mesatarja botërore 1,4 €/L, ndërsa BE‑27 2,03 €/L. Sipas të dhënave globale (Global Petrol Prices, Fuel Wide), Shqipëria është në grupin e pesë vendeve më të shtrenjta në Evropë për diezel, bashkë me Monakon, Finlandën, Gjermaninë, Holandën dhe Danimarkën. Ai thekson se çmimi i naftës në Shqipëri është rreth 30% mbi mesataren rajonale dhe 55–60% mbi mesataren botërore.
Për krahasim me vendet fqinje, Bozdo ofron shifra: Serbi rreth 2,00 €/L (18% më lirë se Shqipëria); Kosovë rreth 1,76 €/L (32% më lirë); Maqedoni e Veriut rreth 1,6 €/L (41% më lirë); Mal i Zi rreth 1,87 €/L (20% më lirë); Bosnjë‑Hercegovinë rreth 1,7 €/L (27% më lirë).
Arsyeja kryesore për çmimet e larta, sipas PD-së, është ngarkesa e lartë fiskale: në çmimin final të dizelit, ngarkesa fiskale përbën rreth 53% (afërsisht 1,00–1,16 €/L taksa për litër), duke përfshirë akcizën fikse (~0,41 €/L), taksën e qarkullimit, taksën e karbonit dhe TVSH‑në 20% e aplikuar mbi çmimin total. Në vendet e rajonit, barra fiskale është zakonisht rreth 35% e çmimit final.
PD vëren mungesën e masave lehtësuese në Shqipëri, ndryshe nga vendet e rajonit që kanë ndërhyrë fiskalisht: Serbia është ulur akcizat përkohësisht; Maqedonia e Veriut ka ulur TVSH‑në për karburantet nga 18% në 10%; Kosova, Mali i Zi dhe Bosnja kanë përdorur ulje akcizash dhe kufizime marzhesh. PD pohoi se qeveria arkëtoi rreth 15 milionë euro më shumë në krizën e mëparshme të naftës dhe kërkon që ato të kthehen te ekonomia dhe familjet. Partia Demokratike kërkon heqjen e taksës së qarkullimit dhe uljen e përkohshme të akcizës për të sjellë çmimin e dieselit në mesataren e rajonit, dhe thotë se çdo nismë e tillë e saj është rrëzuar në Kuvend me votat e Partisë Socialiste. Në deklaratë paralajmërohet se refuzimi i mëtejshëm do të sjellë pasoja të rënda. Top Channel.
