Deputetja e PS Zegjine Caushi ka dalë me një deklaratë publike lidhur me përfshirjen e dajës së saj në rastin e pretenduar të dhunës e përdhunimit ndaj 34-vjeçares Merita Gremaj dhe plagosjes së babait të saj, ngjarje të publikuara nga mediat më 14.09.2026 dhe 15.09.2026. Ajo ka postuar një fotografi ku shfaqet daja së bashku me Gremajn, në të cilën ajo mban një tufë me lule.
Caushi shpjegon se familja e nënës së saj përbëhet nga 11 fëmijë dhe se, për shkak të familjeve dhe angazhimeve të tyre, nuk kanë kontakte të vazhdueshme mes anëtarëve. Ajo tregon se vëllain e nënës, Bledar Bakaj, dhe Merita Gremaj e takoi rastësisht në fillim të qershorit, pas një takimi që kishte në atë zonë. Në oborrin e banesës, ku ishin rreth 10–15 persona, ajo has edhe një kushëri që ishte person i afërt për Gremajn nga fisi i të atit.
Deputetja thotë se sapo hyri në oborr, Meritën e prezantuan si bashkëjetuesen e Bledarit dhe se ajo, si fqinjët e të pranishmit, i urova për lidhjen e tyre. Sipas deklaratës, të pranishmit dhe kushëriri i drejtuan çiftit pyetjen nëse do të martoheshin; Gremaj u përgjigj: “Po po, i kam marrë parasysh kushtet në të cilat Bledari jeton, edhe pse babai s’e ka me qejf…”. Caushi shton se iu drejtua me shaka: “Se mos na hapni probleme”, në referencë të pëlqimit të babait, dhe se situata kaloi me të qeshura dhe urime. Ajo qëndroi rreth 10 minuta dhe u largua për angazhimet e saj, ndërsa të tjerët vazhduan të qëndronin.
Pas disa ditësh Caushi tha se pa në rrjetet sociale fotografi të tyre së bashku, të qeshur dhe me lule në duar. Ajo thekson se ky është i gjithë informacioni që ka patur dhe se për ngjarjen është informuar përmes mediave, njësoj si opinioni publik.
Deputetja shprehet qartë: “dënoj me forcë çdo formë DHUNE, pavarësisht se nga KUSH është ushtruar”. Ndërkohë, ajo sugjeron që rasti të trajtohet me seriozitet dhe kujdes edhe nga këndvështrimi psikologjik për të dy personat, për të gjetur zgjidhjen e duhur dhe për të parandaluar përshkallëzimin. “Për pjesën tjetër, organet ligjzbatuese duhet të bëjnë punën e tyre”, shkruan ajo.
