Një aksident i rëndë u regjistrua mëngjesin e së premtes në Tiranë, ku për pasojë një person ka humbur jetën, teksa dy të tjerë mbetën të plagosur.
Sipas të dhënave të policisë ngjarja ka ndodhur në rrugën dytësore Tiranë-Durrës, ku automjeti tip “BMW X5”, ka dalë nga rruga dhe është përplasur me mbajtësen anësore të rrugës.
Viktima është Visar Meshi 35 vjeç, ndërsa janë dërguar në spital Ensid Hasanllari dhe Erenik Cakraj.
Grupi hetimor po punon për sqarimin e rrethanave të aksidentit.
