Barcelona e ka nisur sezonin me një seri fitoresh që po e vendosin skuadrën si protagoniste kryesore si në La Liga, ashtu edhe në Ligën e Kampioneve. Skuadra blaugrana ka fituar të gjitha ndeshjet e zhvilluara deri tani, duke regjistruar 10 fitore në 10 ndeshje mes kampionatit dhe kompeticionit evropian, dhe ka shënuar 43 gola gjithsej, një mesatare prej 4.3 golash për ndeshje. Këto shifra qartë dëshmojnë efikasitetin sulmues dhe përformancën dominuese të ekipit.
Nën drejtimin e Hansi Flick, Barcelona po tregon superioritet të fortë në La Liga, ndërsa objektivi i skuadrës është të transferojë atë të njëjtin autoritet në skenën evropiane. Për momentin, performanca në Champions tregon sinjale pozitive: dy fitore të thella ndaj Feyenoord dhe Galatasaray kanë rezultuar me një bilanc prej 9 golash të shënuar dhe 2 të pësuar, tregues i aftësisë së ekipit për të bërë diferencën edhe kundër rivalëve të fortë europianë.
Pas ndeshjes me Galatasaray, mesfushori Pedri u shpreh: “Kemi shumë besim. Flitej se nuk kishim golat, por po tregojmë se kjo skuadër i ka. Kemi shumë lojtarë cilësorë edhe në stol. Skuadra është e madhe dhe shumë e mirë dhe kjo po vihet re. Tani vijnë ndeshje të rëndësishme” — tha Pedri pas ndeshjes me Galatasaray.
Kalendari i ardhshëm i ndeshjeve i jep mundësi Barcelonës të konsolidojë më tej pozitat: pas takimit të së shtunës me Betis në La Liga, katalanasit përballen me një sfidë të dyfishtë që do të testojë seriozitetin e tyre, me ndeshjen ndaj Paris Saint Germain në Champions dhe më pas El Clasico kundër Real Madridit. Këto duele priten të japin tregues të qartë nëse Barcelona mund të vazhdojë ritmin aktual dhe të ruajë dominimin e treguar deri tani.
