Barcelona mori një fitore të madhe në “Camp Nou”, duke mposhtur 4-2 Atletico Madrid. Katalanasit arrijnë vendin e katërt të renditjes që i siguron pjesëmarrjen në Champions League.
Ishin madrilenët që shënuan të parët në minutën e 8 me Carrasco. Avantazhi zgjati vetëm 2 minuta pasi Jordi Alba barazoi. Në mesin e pjesës së parë skuadra e Çavi hernandes kaloi në avantazh ndërsa shënoi edhe golin e tretë me Arauzho.
Në fillimin e pjesës së dytë, Dani Alvesh shënoi të katërtin, por braziliani u ndëshkua me karton të kuq për ndërhyrjen e tij pas shpinës së kundërshtarit. Goli i dytë i Atletico erdhi nga ish-lojtari i barcelonës Luis Suarez.
