Si pasojë e një aksidenti të rëndë që ndodhi mëngjesin e sotëm në Turqi, kanë humbur jetën 3 persona dhe 17 të tjerë janë plagosur.
Drejtuesi humbi kontrollin e mjetit si pasojë e dëborës dhe ngricës në rrugë duke rënë nga një lartësi prej 30 metrash.
Ngjarja e rëndë ndodhi në rrethin Beykoz të Stambollit, ndërsa si destinacion udhëtarët kishin provincën e Denizli.
Mësohet se mes tre viktimave të konfirmuara deri tani është edhe shoferi.
Të plagosurit nga ky aksident janë dërguar në spital për të marrë shërbimin e nevojshëm mjekësor.
