Zëvendëspresidenti i Federatës Gjermane të Futbollit, Hans-Joachim Watzke, ka kërkuar dorëheqjen e Gianni Infantinos nga posti i presidentit të FIFA-s, duke renditur tre arsye kryesore për këtë kërkesë. Deklarata e tij pasoi pas refuzimit të Federatës Gjermane për të nënshkruar letrën e mbështetjes për rizgjedhjen e Infantinos. “Ai duhet të largohet, pa asnjë ‘por’”, tha Watzke gjatë një festivali për inteligjencën artificiale në Berlin.
Si arsye e parë për dorëheqjen, Watzke përmendi krijimin e “Çmimit të Paqes” nga vetë Infantino dhe dorëzimin e tij në dhjetor 2025 për presidentin e SHBA-së, Donald Trump, gjatë shortit të Kupës së Botës 2026. Watzke theksoi se “Ai e shpiku vetë atë çmim dhe vendosi personalisht për t’ia dhënë atij. Nuk mund të shpikësh diçka vetë e më pas ta shpërndash sipas dëshirës. Kjo është çmenduri”.
Pika e dytë lidhet me rastin e sulmuesit të kombëtares së SHBA-së, Folarin Balogun, dhe vendimin për pezullimin e tij gjatë Botërorit. Balogun u ndëshkua me karton të kuq në ndeshjen e raundit të 16-tave, por më pas anuloi u pezullimi automatik prej një ndeshjeje. Sipas pretendimeve që nxiten reagime të shumta, anulimi i pezullimit erdhi pas një telefonate direkte midis Donald Trump dhe Infantinos. Watzke komentoi: “Nuk mund të ndodhë që kur një lojtar merr karton të kuq, kreu i shtetit të telefonojë presidentin e FIFA-s dhe çuditërisht gjithçka të ndryshojë. Është absurde”.
Arsye e tretë që përmendi Watzke është plani i FIFA-s, i paraqitur në fund të korrikut, për krijimin e një kompanie tregtare të hapur ndaj investitorëve privatë. Projekti u anulua katër ditë pas prezantimit, duke shkaktuar pakënaqësi në komunitetin e futbollit. Watzke deklaroi se “Kjo është krejtësisht çmenduri. Askush nuk dinte gjë, as zëvendëspresidentët e tij në FIFA dhe as Këshilli i FIFA-s”.
Në përfundim, Watzke i kërkon largimin e Infantinos nga drejtimi i shtëpisë më të madhe të futbollit botëror, duke u bazuar në këto tre çështje konkrete që, sipas tij, dëmtojnë besueshmërinë dhe transparencën e FIFA-s.
