Një 23-vjeçar nga Bajram Curri është arrestuar për qarkullim me armë zjarri dhe në gjendje të dehur. Ai u kap nga policia duke drejtuar një automjet tip “Benz”, ku iu gjet një armë zjarri pistoletë me municion luftarak. Shtetasi A. Gj. dyshohet se kishte qëlluar më parë në ajër me armën që e kishte në posedim pa leje.
Policia e Komisariatit të Tropojës, në kuadër të veprimeve për goditjen e armëmbajtjes pa leje, ka ndërmarrë këtë operacion. Pas arrestimit, materiali procedurial është dërguar në Prokurori për veprime të mëtejshme.
